Us der Chuchi

I d'Karin Hebise, bi aus wöschächti Aemmitalere der Liebi wäga ufs Fringeli cho.

Wi dir uf dere website scho heit gseh, isch ds Fringeli e richtegi Ougeweid u mi verliebt sech vo Aafang a regurächt i di schöni Gägend. Aber es isch nid nume d' Gägend u der Ort wos usmacht, nei, eifach ds ganze drum u dra, macht üses Fringeli so spezieu, d'Härzlechkeit, d'Fröhlechkeit, d'Offeheit, ds zfride sii u eifach einisch wit wäg vo ouem Läärm u Stress i der Rueh ganz nach bi der Natur ds sii.

I bi eigentlech zueständig, das ganze ungerdsstriiche miteme feine Aessä.

Viu husgmachti Sache stöh bi üs ufem Tisch. Sigs Brot, Chnöpfli oder o es feins Dessert.

Je nach Saison hei mit ganz viu Gmües u Frücht usem  eigete Gartä: Rüebli, Chabis, Bohne, Aerbsli, Radiesli, Salat, Aerdbeeri, Himbeeri u no viu, viu meh.

Nid ds vergässä isch ds Fleisch vom Lamm und Chaub  wo mir natürlech o säuber hei. Drus gitz feini Bräte, Bolognaise, Gschnätzlets, Rahmschnitzu u.s.w.

Bim z'Morge wärdit dir mit säubergmachter Confi, Züpfe, hofeigene Eier u Müesli fit gmacht für e Tag.

Säubstverständlech si üsi Produkt fascht aui Bio.

I hoffe, mir heige öich chli gwundrig gmacht u ds Wasser loufi öich im Muu scho zämä. Mir fröie üs uf öie Bsuech u uf das mir öich regurächt chöi verwöhne, mitere glustige,chüstige u urchige Chuchi!